Claudia Cadruvi, Uznach
«Jau sun mamma da trais uffants gronds, lavur sco schurnalista ed hai scrit dus cudeschs per creschids ed in crimi d'uffants en rumantsch grischun.»

Maria Cadruvi, Ruschein
«Jau sun schurnalista cun cor, chau e mauns. Dasperas dun jau lecziuns da Feldenkrais, fatsch seminaris e porsch cussegliaziuns logoterapeuticas.»

Gion-Andri Cantieni, Sagogn
«Jau sun student d'electrotecnica a la SPF/ETH a Turitg ed in dals translaturs da Firefox per rumantsch.»

Silvia Demarmels-Candreia, Salouf
«Jau sun mamma da trais uffants gronds, lavur en l’affar cun mes um, dun curs da rumantsch surmiran ed insatge scola.»

Gian Peder Gregori, Domat
«Jau sun linguist e magister e m’occup dapi l’entschatta cun plaschair dal project rumantsch grischun. Suenter debattas engaschadas davart il rg prend jau mes chaun e vom a chaminar cun el en il guaud. Quai è ina grondiusa recreaziun ed ella è nunverbala.»

Reto Pedotti, Ftan
«Eu sun assistent social, president cumünal, paur, rumantsch, engiadinais, grischun e n'ha amo otras paschiuns!»

Romano Plaz, Savognin
«Sur 30 onns va ia dastgea manar l'agentura dalla Banca Cantunala Grischuna a Savognin. Dasper l'economia am interessava er fitg la cultura sociala e sia istorgia. Chellas infurmaziuns èn oz per me la basa, da ma santeir bagn scu rumantsch ed esser avert per visiuns futuras.»

Hans-Peter Schreich, Val Müstair
«Jau sun dapi 36 onns reverenda en la Val Müstair e translatesch ed edesch meds d’instrucziun da religiun en rg.»

Per dumondas pertutgant la pagina d'internet u indicaziuns faussas sin la glista dal manifest pudais vus ans contactar sur l'adressa contact@prorumantsch.ch. Nus na pudain dentant betg pledar per tut ils signataris dal manifest e perquai betg dar scleriment tematic.