L’intenziun dal manifest pro rumantsch è da mussar a las persunas che decidan en chaussa: I dat blera glieud en la Rumantschia che guarda cun spiert aviert sin il rumantsch grischun en scola.

Il manifest vul plinavant exprimer respect envers tut las vischnancas ch’han gia introducì il rumantsch grischun en scola ed el vul animar las autras vischnancas da far il medem – per amur d’ina ferma Rumantschia ed en favur da la proxima generaziun. Uss è il temp madir per far quest pass cun curaschi e cun plaschair.

L’idea che tut ils uffants rumantschs da l’emprima classa emprendan da scriver e leger en la medema varianta rumantscha dat forza a nus da crair en in avegnir cuminaivel. Igl è evident ch’ils idioms vegnan discurrids vinavant – anzi, els vegnan schizunt enritgids, perquai ch’il rumantsch sco quarta lingua naziunala svizra ha oz ina plivalur grazia al rumantsch grischun.

Seraina Jäger da Cunter, 1. classa: Passins
Seraina Jäger da Cunter, 1. classa: Passins
Shaddai Zehnder da Riom, 2. classa: Puntinas
Shaddai Zehnder da Riom, 2. classa: Puntinas
Giovanna Dosch da Cunter, 3. classa: Alerts
Giovanna Dosch da Cunter, 3. classa: Alerts